Mina Lobaba

Nxa kungathiwa ngikhethe phakathi kukababa lokudla engikuthandayo, ngiyakhetha ubaba. Ubaba nguye umgane wami omkhulu emhlabeni wonke.

Nxa ngiphuma esikolo, ngigijimela endlini Ekudlaleni kwethu. Ubaba uhlala evule ingalo zakhe elindele ukungigona ngihle ngiyeqele ezingalweni zakhe.

Uyakwazi ukuthi ubaba uyenelisa ukutshaya ingungu ngesandla esisodwa? Sihlala silungiselela sihlabela izingoma zethu nsukuzonke, ngoba sifuna ukuba lodumo.

“Khumbula Khangelani, ingungu ithi tundundu tundundu.” “Sokunguwe khathesi”. “Tundu, tundu, tundu.” Ubaba uthi ngiyitshaya kuhle.

Mina ngithanda ukugida nxa sitshaya ingungu. “Khangela, Baba. Ngiyenelisa ukweqa lokutshibilika kanyekanye” Ubaba uyahleka engibona ngitshibilika ngiyeqela phezulu.

Kwezinye izikhathi ubaba uyangifaka esitulweni sakhe iwheelchair siyenze engani yimota enkulu enhle. “Buya Baba siyabhoda umhlaba fuqa imota yami igijime Baba. Vuuuuuuuuum!”

“Udwebani?” Ngizama ukudweba umuntu kakuhle, kodwa Ngihlala ngidweba abantu abahlekisayo. Ubaba uthi umpikitsha engiwudwebileyo muhle.

Ubaba uguqula ilizwi nsukuzonke nxa engibalela. Lokho kuyangihlekisa. Kwezinye izikhathi usebenzisa ilizwi elinjengelami “Baba usukhuluma ngelizwi elinjengelami ”. Sihleke sonke.

Sesiqedile yonke imidlalo, ngiyabe ngifuna ukudla. “Baba ngicela ungiphekele ilambazi engilithandayo” Ubaba ungiphekela ilambazi eliledobi.

Sihlala phandle okubetha khona umoya. Angifakele idobi elincane esandleni sami. Limnandi.

Nxa kungathiwa ngikhethe phakathi kukaBaba, lokudla engikuthandayo, ngiyakhetha uBaba ngazo zonke izikhathi.