Ngikhanuka umama wami

Sipho! Ukhalelani?

Ngifuna umama wami!

Sipho – Umama wakho wayangaphi?

Umama wami, umama wami! Wayegula, wasesifa. Kasabuyi futhi. Ngifuna umama wami!

Phepha Sipho. Ungadlala loNozi. Uzakwenza uzizwe usungcono.

Thatha ikukisi lami. Lizakwenza uzizwe usungcono.

Hatshi! Hatshi! Mina ngifuna umama wami vele!

Asihambeni sonke Sipho, UMamoyo uzakusiza ukuthi uzizwe usungcono.

Uhlutshwe yini sithandwa sami?” watsho uMamoyo. “ngikhanuka umama wami!”, watsho uSipho.

“Ngiyazi uyamkhanuka, Sipho njalo kulungile ukuzonda loba ukudana njalo ukhale nxa sitshiywe ngumuntu esimthandayo”, watsho UMamoyo.

Lami ngafelwa ngumama. Ngakhala ngakhala… Ubabakazi wami wangibamba Wangitshela ukuthi kulungile ukukhala.

Ngafelwa ngubaba wami engozini. Ngathi ngikhala ebusuku, ugogo wangihlabelela. Ngaze ngajumeka.

Ubaba wami laye uyangihlabelela nxa ngidanile Njalo angitshele ukuthi umama wayengithanda kangakanani.

USipho wavusa amehlo Wabona bani? Kwakunguyise emelele ukumthatha ahambe laye ngekhaya. Waziphosela ezingalweni zikayise.

Mina Lobaba siyahamba ngekhaya. Sibuke izinto ezingikhumbuza umama.

Ubaba uyangingenisa umbhedeni angihlabelele ingoma engiyithandayo ngingakalali.