Usane Oluyinkazana Olungumnawami

Umama uselosane, ngizabe ngilokhu ngingumntanakhe? Umama ungidonsela eduze kwakhe, anyenyeze endlebeni yami. Esithi: “Thando ungesabi, ngizahlala ngikuthanda”.

Umama uselosane, ubaba uzabe elokhu engithanda? Ubaba ungikhangela emehlweni abambe kakuhle ubuso bami. Loba sekulenguquko kancane empilweni, akulamuntu ozathatha indawo yakho.

Umama uselosane, usane luzangithanda yini? Ngifunda ingoma yokuhlabelela usane. Ngeyokuthi sihleka njani, sidlala njani. Ngizamhlabelela intambama zonke. Uthando lwethu luzakhula kakhulu, ngensuku ngensuku.

Umama uselosane, kungani esiya esibhedlela? Ugogo ungihlikihla inyembezi ngesithupha sakhe, angitshele ngezithelo esizazithenga sesisiyabona umama: i-apple, i-orenji, ibhanana leplamu. Izithelo ezimnandi ezizamenza athi nandi nandi nandi.

Umnawawami oyinkazana olusane usekhona, kungani esebhavini yami? Umnawami oyinkazana olusane uyakuthanda ukugeza. Uyakholisa nxa amagwebu ephapha. Ngiyamkhangela ngivule amehlo kakhulu ngihlabele izingoma, umama ebesemhlikihla abemuhle ome.

Umnawami oyinkazana olusane uyakhala, ngubani ozadlala lami? Umama uthi, “Buya Thando, buya sidlale, loba yiwuphi umdlalo owufunayo, sizayenza okufunayo. Ukugida, ukweqa intambo singakwenza nsukuzonke.”

Sasibathathu khathesi sesibane: Umama, ubaba umnawami lami ngiyazi ukuthi umsebenzi wami ngowokuncedisa lokudlala sizakuba yimuli yinye ejabulileyo.