Mwana wedu mutsva
Baya pano kuti uverengerwe bhuku rino Kana kuti dzika pasi uzviverengere.
If you cannot view the above video, you can instead download it.
Mudumbu mamhamha mune mwana. Kana mwana abuda, ndicharamba ndiri mwana wavo here? Mhamha vandiswededza pedyo navo, vandizevezera vachiti :“Usatye Tadi’
Mudumbu mamhamha mune mwana. Kana mwana abuda, baba vacharamba vachindida here? Baba vapuruzira musoro wangu vakati, “Ehe mwana ari kuuya, asi iwe tinokuda chaizvo”
Mudumbu mamhamha mune mwana. Saka mwana iyeye achandidawo here? Ndiri kudzidza chimbo chekuimbira mwana. Chimbo chacho ndechekufara nekutamba kwatichaita. Ndichaimbira mwana nguva dzese. Rudo rwedu ruchakura zuva nezuva.
Mudumbu mamhamha mune mwana. Ko sei vari kuenda kuchipatara? Gogo vanondipukuta misodzi neruoko rwavo Vanondivimbisa kuti tichatenga michero patinoenda kunoona mhamha. Maranjisi, mabanana, namapulamu. Michero inonaka chaizvo.
Mwana wedu auya kumba. Ko ari kuitei mudhishi rangu? Mwana wedu anofarira kugeza. Anofarira kupupuma kwesipo. Ndiri kutamba naye ndichimuimbira. Amai vamupukuta vakamupfekedza zvinodziya.
Mwana wedu ari kuchema. Saka ndiani achatamba neni? Amai vati, “Tadi huya titambe. Huya tiite chero zvaunofarira. kutamba, kusvetuka, zvese zvaunoda.” Baba vari kunyararidza mwana.
Takanga tiri vatatu, asi iko zvino tave vana: Mhamha, baba, mwana wedu, neni Mwana achatamba neni. Basa rangu nderekubatsira zvese nekutamba nemwana. Tese tiri mhuri inofara.
