Nhapitapi kumusha
Baya pano kuti uverengerwe bhuku rino Kana kuti dzika pasi uzviverengere.
If you cannot view the above video, you can instead download it.
Kukurigo-rigo! Ndinomuka kana jongwe rarira. Kwayedza, yave nguva yekuenda kuchikoro.
Ndinonzi Nyasha. Ndinogeza, kukwesha mazino, nekupfeka yunifomu nebhutsu dzangundega. Imba yedu yekugezera iri kunze, saka ndinoona zuva richibuda.
Baba vanondiperekedza kuchikoro mazuva ese. Munzira, tinosangana neshamwari dzangu, Rudo naThabo naTendai. Tinofamba tichiimba nziyo dzinosetsa.
Mwaka wega wega tinowana michero mitsva mumiti. Nhasi tiri kutapirirwa nemango. Tiri kuseva, muto wemango uchiyerera.
Nhasi tadzidza nezvezvipembenene. Taseka kuti nyamututa anogadzira bhora rendove.
Pakuenda kumba tinonakidzwa. Nhasi taumba mhuka dzemavhu. Gudo raRudo ranga richisetsa.
Ndinomhanyira kumba kunobvisa yunifomu. Ndinodya sadza nemuboora unonaka.
Ndinoenda kunotinha mbudzi, mombe nemadhongi edu. Mbudzi iyo ine bhero inonzi Pepe.
Manheru tese tinodziya moto. Tese tinoimba nziyo dzaambuya. Tichiteerera ngano dzavo.
Ndave kurara. Panze nyenyedzi dziri kuti tai tai. Kazhinji ndinoona nyenyedzi dzichimhanya… Ndinofarira kugara mumusha wedu.
