Ulwazi nge Coronavirus

Yini iCOVID-19?
Umkuhlane we Coronavirus 2019 ( COVID-19) - u 'CO' umele igama elithi Corona, u'Vi' uchaza iVirus kumbe igcikwane kanye lo 'D' uchaza umkhuhlane/isifo - yisifo esibangelwa luhlobo olutsha lwegcikwane lecoronavirus.
Yiziphi izibonakaliso kumbe izitshengiselo ze COVID-19?

Izibonakaliso zihlanganisela:

• ukutshisa komzimba/imfiva
• uphepha olomile
• ukuphefumula kanzima
• ukukhathala

Asebencindezelwe kakhulu yilesi sifo bangahlaselwa yisihlabo, ngokuyehluleka ukuphefumula. Ngesikathi esikatshana, kuyenzeka ukuthi lesi isifo sibulale. Izitshengisilo lezi ziyafanana kakhulu leze flu (influenza)/umvimbano kumbe isifuba, okuwaziwa ukuyedlula iCOVID-19. Yikho ukuhlolwa kufuneka ukuthi kube leqiniso uma umuntu ele COVID-19. Kuqakathekile ukukhumbula ukuthi indlela zokuvikela ziyafanana - ukugeza izandla kanengi kanye lokuvalela ukukwehlela lokuthimula phakhathi kwendololwane kumbe ukusebenzisa itissue ube usulilahlela ebimu evaliweyo. Njalo kulo muthi wokuvikela iflu - khumbula njalo ukuzigcina wena lomtanako lihambilane lezikathi zokucaba.

Imemetheka njani iCOVID-19?

Igciwane limemetheka nxa amathonsi aphuma emuntwini olegcikwane lecoronavirus (aphuma nxa ekwehlela, ethimula, ekhuluma, ehlabela) angangena emlonyeni,emakhaleni lase mehlweni abantu abaseduzane laye.
Abantu njalo bengathola igcikwane ngokubamba umlomo,amakhala kumbe amehlo ngemva kokubamba indawo elegcikwane. Igcikwane leCOVID-19 liyenelisa ukuphila phezu kwezindawo okwamahola amalutshwane kusiyafika kumalanga amanengi, kodwa imithi ebulala igcikwane(disinfectant) ingasetshenziswa ukulibulala.

Igcikwane leCOVID -19 liyakwanisa ukudluliselwa phambili umuntu engakabi lezitshengiselo.