Indlela zokuvikela ukubandlululwa lokuphiwa ulwazi olungela qiniso

Indlela zokuthatha isenzo uma umuntu atshela abantu ulwazi olungela qiniso

Abantu abanengi bakathazekile ngalesi isikhathi - njalo ngesikhati esinzima abantu bayagabelana okungeko lolwazi olungela qiniso. Izikathi ezinengi kabakwenzi lokho ngamabomu bayabe bazama ukuncedisa - yikuthi bayabe bengela lwazi ukuthi ulwazi olulungileyo bayaluthola ngaphi.

Ungayenzanjani nxa umuntu womdeni agabelana labanye ulwazi lungela qiniso:                                                          

1. Qala ukhulume laye eyedwa - kumbe ecingweni yake. Engakwanisa ukuyamukela nxa ungamuyangisanga ebantwini.                    
2. Ungamusoli ngokusakaza okungasilo qiniso. Mtshele kuhle ukuthi ulwazi kukhanya ngani kaluveli endaweni ethembekileyo kumbe aluphelelanga.          
3. Batshengise indawo zokuthola ulwazi olupheleleyo njenge UNICEF leWorld Health Organisation ubakhuthaze ukuthi balandele inhlangano lezi ukuti bathole ulwazi olupheleleyo.

Ungathatha njani isenzo nxa umuntu ehambisa phambili ukubandlulula

Akula sizatho sokubandlulula abanye lokuyenza ixenophobia ngesikhathi umkuhlane uphazamisa ilizwe lonke jikelele kumbe noma kuyenzakalani. ICOVID-19 iyakwanisa ukubamba wonke umuntu- akula ndaba ukuthi uvela ngaphi, ukuthi ubukeka njani kumbe ule minyaka emingaki. Ibandla labathuthela kwamanye amazwe lababaleki ngelinye lamaqembu asengozini kakhulu. ICOVID- 19 kayikheti lathi kumele singakhethi nxa sinceda abantu.

Ungayenza njani nxa umuntu womdeni kumbe umngani ekhuluma izinto ziyisa pambili ukubandlulula:

1. Njalo nje, khuluma laye eyedwa kuqala - kumbe uthumele umlayezo ecingweni. Bayakwanisa ukuzwisisa uma bengayangiswanga ebantwini.
2. Batshengisele ukuthi amagcikwane ayakwanisa ukubamba loba upi umuntu kazose abambe ibandla elinye labantu.
3. Batshengise ukuthi ukubeka icala lokusola ibandla elinye labantu ngenxa yegcikwane kuzoba lezibi izinto ezilandelayo- kungakhuthaza ukulwisana lokuyenza ukuthi abantu bangayi esibhedlela njalo igcikwane lizamemetheka.
4. Bakhumbuze ukuthi ngesikathi esinjengalesi kumele sikhuthazane siyephambili ngomusa lokunzwelana - noma sisesaba.