uBusi lo Buhle
Ibizo lami ngingu Busi lo ngumngane wami uBuhle. Ngumngane wami omkhulu. Ibizo lakhe litsho ubuhle. Ngicabanga ukuthi nguye obobotheka kuhle ukwedlula abantu bonke emhlabeni.
Kwezinye izikhathi uyangifuqa ngiqonge emjingweni. Ngangijwayele ukwesaba kodwa khathesi angisesabi.
Sithanda ukudlalela phandle. Mina loBuhle silomdlalo wokuncintisana ukuthi ngubani ozalenga ensimbini okwesikhathi eside. Ucabanga ukuthi ngubani onqobayo phakathi kwethu sobabili?
Kwezinye izikhathi ngigqoka ibatha. UBuhle ukubiza esithi yikugqoka ibanana. “ Khangela Busi, Usugqoke ibanana futhi”. Sihleke kakhulu size siphume inyembezi sife ngembambo.
Singakangeni endlini yokufundela siqala sijinge sisiya phezulu laphansi Siyephezulu, phansi emjingweni. Sonke sithanda kakhulu ukuba phezulu.
Ngelinye ilanga, ngagijima ngaya phandle ekukhaleni kwesimbi. Awu bantu, sengigqoke ibanana njalo. Ngakhumbula engakufundiswa nguBuhle. Pho ungaphi uBuhle?
Ngathi ngiphenduka lapho enkundleni yokudlala, Qamba ukuthi ngabona bani? UBuhle! Wayefake ikhekhe etafuleni yami. Kwakulilanga lokuthakazelela ukuzalwa kwami!
UBuhle wanganga wathi, “ Lesi yisipho sokuthakazelela ilanga lokuzalwa kwakho obungasilindelanga.” Umama kaBuhle wangibhakela ikhekhe engilithandayo kakhulu njalo wayefuna ukungijabulisa ngingalindelanga.
Sahlala phansi, sadla ikhekhe saba lesikhathi esihle kakhulu. Kwaba lilanga elihle kakhulu lokuthakazelela ukuzalwa. Kodwa ilanga linye ngalinye lilanga elihle kakhulu, ngenxa kaBuhle umngane wami omkhulu.
