Ulwazi mayelana lemithi yokuvikela imikhuhlane
Imithi yokuvikela imikhuhlane isindisa abantu abayizigidi ezimbili kusiya kwezintathu (2-3 million) umnyaka munye ngamunye. Nini lanini lapho abantwana abangahlatshwa khona imithi yokuvikela imikhuhlane, impilo zabo lezalabo abahlala endaweni abahlala kuzo ziyabe zisengozini
Imithi yokuvikela imikhuhlane ngikuyini?
- Imithi yokuvikela imikhuhlane yikuhlaba lamathonsi avikela kumikhuhlane lezifweni ezimbi.
- Imithi iyalulamisa abantu lapho begula. Imithi yokuvikela imikhuhlane iyenza ukuthi bangaveli bagula.
- Imithi yokuvikela imikhuhlane iyanikezwa abantwana abancane kanengi ngenxa yokuti kulula ukuthi bona bagule kodwa imithi yokuvikela eminengi iyavikela impilo yonke.
- Umuthi wokuvikela munye lamunye uyavikela kumkhuhlane okethiweyo njalo kubalulekile ukuthi umuntu ahlatshwe yonke imithi efaneleyo. Imithi yokuvikela imikhuhlane isebenza njani?
- Imithi yokuvikela imikhuhlane iyanika umthanako amandla engeziweyo kumkhuhlane ilengozi.
- Imithi yokuvikela imikhuhlane iyafundisa umzimba womntwana ukuthi ubekwazi lokuthi ukhumbule amagcikwane abangela izifo. Lapho umntwana ohlatshiweyo ahlangana legcikwane, umzimba wake uyaphangisa ukubona icala ube usulwisana lalo.
- Imithi yokuvikela imikhuhlane iyafundisa umzimba ukulwisana lemikhuhlane.
Amaqiniso Amahlanu ngemithi Yokuvikela Imikhuhlane
Imithi yokuvikela imikhuhlane iphephile njalo ilempumelelo
Imithi yokuvikela imikhuhlane ivikela izifo ezibulalayo
Imithi yokuvikela imikhuhlane iyaqinisa umzimba kangcono kudlula imikhuhlane yayenzakala yodwa.
Imithi yokuvikela imikhuhlane ehlangeneyo ayila ngozi njalo iyasiza.
Singayeka ukuhlaba ngemithi yokuvikela, imikhuhlane iyapenduka.