Imibuzo ejwayelekileyo mayelana lomuthi wokuvikela umkhuhlane
-
Kumele ngiyenze njani nxa ngikhohlwa ukuya kumongikazi ukuthi umntwana athole umthamo olandelayo womuthi wokuvikela umkhuhlane? Ungabona ukuthi usukhohliwe ukuyahlabisa umntwana, hambisa umntwana esibhedlela ngokuphangisa
-
Kule sidingeko yini sokuthi umntwana wami ahlatshwe iMR nxa eseke wagula ebulawa ngumkhuhlane wewendingindi? Akulula ukuthi ubone ukuthi umntwana ule ndingindi. Ukuthi ungazifaki engozini, hambisa umntwana ukuyahlatshwa umuthi wokuvikela indingindi noma ucabangela ukuthi sowake wagula ngalowo mkhuhlane
-
Ngingayenza njani nxa ngilahle incwadi ebhalwe ngokulatshwa kwendodakazi yami? Hamba kumongikazi kumbe esibhedlela lapho indodakazi yakho eyahlatshwa khona ube usucela ikhadi elitsha. Nxa umongikazi esebhalile mayelana lokuhlatshwa kwendodakazi yakho, uyakwanisa ukuqiniseka ukuthi umntwana anikezwe imvikelo ibe sibhalwa ekhadini elitsha
-
Ngingayenza njani nxa ngicabanga ukuthi umntanami ule ndingindi? Uma ucabangela ukuthi umntwana ule ndingindi, kumele umuhambise kumongikazi kumbe kudokotela ukuthi ahlolwe. Angahlangani labanye abantwana kakhulu izinsana zingakatholi imithi yokuvikela imikhuhlane.
-
Ngingayenza njabi nxa umntwana wami eselomnyaka owodwawokuzalwa engakatholi imithi yokuvikela indingindi? Akukhawulwanga iminyaka yokuhlatshwa ukuvikelaindingindi. Nxa umntwana esedlule izinyanga ezilitshumi lambili (12)zokuzalwaengakatholi umthamo wokuqala wokuvikela indingindikumele uhambelaye esibhedlela ukuyahlatshwa
-
Umntanami kumele ahlatshwe imithi yokuvikela umkhuhlane yini nxa egula Buza udokotela kumbe umongikazi. Nxa udokotela kumbe umongikazi bethi kulungile manjalo umntwana uyakwanisa ukuhlatshwa. Ukugula okuncane akumele kumise ukuhlatshwa komuntwana.
-
Bengicabanga ukuthi imithi yokuvikela imikhuhlane inikwa insane Labantwana abancani kuphela ngenxa yani abatshalabo bedinga imithi yokuvikela imikhuhlane? Njengoba abantwana bekhula, eminye imithi yokuvikela iyaba lobuthaka thaka. Kumele banikezwe eminye imithamo ukuyenzela ukuthi ukuvikela kungezelelwe kumbe bavikelwe kweminye imikhuhlane
-
Imithi yokuvikela imikhuhlane ingabangela yini ukuthi umntwana angabi Labantwana bakhe kwelakusasa? Imithi yokuvikela imikhuhlane kayila Ngozi. Kayikwanisi ukuyenza ukuthi umntwana angazali, angabi Labantwana bakhe kwelakusasa"