Ini naBaba
Baya pano kuti uverengerwe bhuku rino Kana kuti dzika pasi uzviverengere.
If you cannot view the above video, you can instead download it.
Kana ndikanzi ndisarudze Baba kana chikafu chandinofarira, ndinosarudza Baba. Baba ndiyo shamwari yandinodisisa pasi pese.
Kana ndapedza chikoro, ndinomhanyira kumba kunotamba. Baba vanogara vakamirira kuti vandisimudze. “Ndave kusvetuka, ndibatei baba.” Ndinosvetukira mumaoko ababa.
Unozviziva here kuti baba vanogona kuridza ngoma neruoko rumwechete? Tinodzidzira kuimba tese mazuva ese, nekuti tiri kuda kuita mukurumbira.
“Tariro, ngoma inoti ndi ndi ndi.” “Iwe chiridzawo zvino.” “dii dii dii.” Baba vati ndiri kugona chaizvo.
Ndinofarira kutamba kana tapedza kuridza ngoma. “Baba tarisai, ndinosvetuka nekuzvonyongoka.” Baba vari kuseka ndichizvonyongoka nekusvetuka ndichienda mudenga.”
Dzimwe nguva ndinokwira muwheelchair yababa Toita sekuti wheelchair yavo imota “Huyai baba, tinogona kuenda kure kwazvo. mota yangu inomhanya chaizvo. Wiiiiiii.”
“Uri kudhirowei?” Ndinoedza kudhirowa mufananidzo wakanaka, asi ndinoita mufananidzo unosetsa. Baba vanoti mufananidzo wangu wakanaka.
Baba vanondinakidza kana vachindiverengera. Vanoverenga nemazwi akasiyana-siyana zvekuti ndinoseka zvikuru. Pamwe pacho vanotevedzera izwi rangu. “Baba munoita kunge inini.” Tese tinoseka.
Tapedza kutamba, ndave kuda kudya. “Baba ndibikireiwo bota randinofarira.” Baba vanobika bota rine dovi.
Tinogara pasi tichifurwa nemhepo. Vanondinanzvisa tushoma paruoko.
Kana ndikanzi ndisarudze baba kana chikafu chandinofarira, Ndinosarudza baba. Baba nguva dzese.
