Ndiri kuda mhamha vangu
Baya pano kuti uverengerwe bhuku rino Kana kuti dzika pasi uzviverengere.
If you cannot view the above video, you can instead download it.
Chipo! Uri kuchemei?
Ndiri kuda mhamha vangu!
Chipo – mhamha vako vakaenda kupi?
Mhamha vangu kani! Vairwara vachibva vafa. Havasi kudzoka. Ndiri kuda mhamha vangu!
Sori Chipo. Unogona kutamba naSpookie. Spookie anoita kuti ufare.
O! Chipo, tora bhisikiti iri. Bhisikiti rinonaka Chipo.
Handidi! Ndiri kuda mhamha vangu chete!
Huya kuno Chipo. Handei kuna Mai Moyo.
Mai Moyo vakati, “Chii nhai Chipo?” Chipo akati, “Ndiri kuda mhamha vangu!”
Mai Moyo vakati, “Ndinozviziva Chipo. Hapana chakaipa kushatirwa, nekusuwa kana kuchema kana tafirwa nemunhu watinoda.”
Neniwo mhamha vangu vakafa. Ndakachema zvisingaite… Tete vangu vakandimbundira vakati kuchema haisi mhosva.
Baba vangu vakafa mutsaona. Pandaichema husiku, Gogo vangu vaindiimbira kusvika ndarara.
Baba vangu vanondiimbira kana ndakasuwa. Vanondiudza kuti mhamha vaindida zvikuru.
Chipo akasimudza musoro. Akabva aona baba vake vauya kuzomutora. Akamhanya akanowira mumaoko ababa vake.
Vasvika kumba vakatarisa zvinhu zvavafungisa mhamha vaChipo.
Manheru, baba vakafukidza Chipo vakamuimbira chimbo chaanofarira asati arara.
